據聞煲煲office今日有個小型「慶祝會」，食完lunch，開左支紅酒，慶祝咩呢? 今日D報紙出得好囉！講真丫，你問我，我就覺得佢地開心得太早啦！點解? 佢無聽電台囉！D人已經開始媽緊佢卸膊啦。
佢明明係特首，收三百幾個一年，而家佢居然話：「你話我做得唔好? 我係咁架啦......你咁叻，我唔做比你做丫.....你咪做飽佢囉......！」
你知香港人真係唔係人咁笨架啦，佢地真係無聲狗咬死人架。你諗下啦，佢地交稅，請成班公務員。有左個董董之後，又請左我地，每年最少用多四、五千萬，然後攪到佢地一鑊粥咁。好啦，終於比佢地吹雞吹夠五十萬，吹到董董(最重要既，係拉埋洗手洗手洗手落黎...不過而家有D懷念佢)風濕腳痛。董董雖然顛，但佢都認認真真，香港人憎佢蠢之麻，佢至少覺得八萬五真係得，佢真係去做，而且超額完成喎。
但你煲煲居然爛仔咁款：「你咁叻，你做囉......」......佢真係未死過。
香港人覺得自己係老闆，負責交稅。而家香港人會覺得咩呢? 一定係：「喂，我比左好多錢架啦喎，唔夠使? 你估你係我個仔，我前世欠左你呀? 我比就唔會比架啦，你自己諗掂佢啦！」
蝦，煲煲居然同佢老細(即係香港人)發爛渣.....你估香港人會點丫拿? 我估佢地會話：
炒左煲煲！
所以呢，我一路都扮死狗就係咁啦。我只係講：我地要為將來著想呀......佢地最多話我蠢同話我嚇人，唔會想炒左我。所以呢，我始終都係覺得，我比較適合做果個位......如果有得選，我覺得我都有機架，我都搵過果d好叻做民調既大學幫我做，佢話我D 市民緣都唔差， 如果有得直選，即係已經有民主啦，咁到時泛民都唔會再有賣點，我都幾大機會咁話。
今晚我特別覺得山雨欲來，煲煲果面寫手大良，好夜仲問我地拿資料，原來佢地十點出左份新聞稿，話係「回應傳媒查詢」。我都奇怪，咁夜咯，D記者仔都寫得七七八八啦，為咩要咁趕呢? 探子回報話，原來尋日亞煲煲講完之後，D記者梗係四圍卜咪啦，甜甜就話香港無結構性赤字，呢個，生果報一早講左啦，執人口水尾......我記得，果隻白鴿BB踢爆我丫麻，我記得...........白鴿仔偕偕就叫煲煲開獨立王國個夾萬，呢樣又係由侏羅紀講到而家...無新意、林善聯就為反對而反對。
煲煲居然咁夜仲要出份新聞稿。探子話份稿居然係逐點回應偕偕份新聞稿............唔通D記者係度追? 好，等我聽日早D起身睇戲先！
5 則留言:
You are really Henry Tong?
其實政府有冇新方案先？無就快Ｄ收工，拖拖拉拉唔係辦法，如果政府慳Ｄ使錢，就唔使收咁多稅啦。
http://www.blogtw.com/blog.php?user=hungchunsing
I am Tong Tong Henry, not Henry Tong.
我既方案，同新加坡一樣，你可以叫到「新──新加坡模式──方案」，簡稱「新方案」也無不可。同埋，其實呢個真係新方案，因為鄭無智果時居然想學新加坡，只係收三個巴仙，真係妹仔大過主人婆！好彩我夠決斷，即係改為五個巴仙！
至於政府開支的問題，政府既開支，是由垃圾會批准，所以如果市民發現政府有浪費公帑，所有垃圾會議員應抽生死籌辭職，顯示佢地問責，並且另選一個再垃圾D既議員上任，等我地可以繼續亂洗錢！
發佈留言