失策！我一心諗住，學李資政咁，控制住個諮詢會可以講野即人，就可以做得好好，但係，我唔記得左，佢地唔係會場講，可以係出面講.........早知做新聞封鎖，即係唔准示威，唔准記者係會場方圓五十里出現..唔准打手提電話, sms.......anyway，應該係，除左我講野准報導，其他人唔准講野，唔准評論...唔准......不過，如果係咁，我點解要攪埋d咁既諮詢會?
唉，算啦，反正我都係做下樣架之麻.......我都唔想推，攪黎攪去，咪都係煲煲迫我推之麻，所以果D咁既政黨，走黎問我拿推行細節喎，我邊有o者，........煲煲就精啦，自己想做大政府咯....小政府? 佢講架之麻...佢都話會干預咯，你聽唔到咩?
俗語都有話「無水行唔郁船」，佢要做大政府，都要有錢先得格。本來，佢要做大政府，大可以係任獨裁度出數，但係佢果時入市，又話人地係三流分析員，已經攪到果班評級機構好唔妥佢，如果佢開夾萬，d評級機構會好開心，因為有藉口插佢.....插人呢家野，中外都係咁嫁啦，唔通鬼佬無辦公室政治咩.....仲有一樣，你地可能唔知，就係亞任獨裁就黎退休，呢樣你地千祈唔好爆出去呀，tap電話聽到架......但無向法官申請......btw，講到邊? 丫係，如果呢個時候去開任獨裁個夾萬，會攪到佢真係要交貨，要掙多D錢返黎。
大家睇左咁多年，都知其實任獨裁根本就唔識投資，咁樣會比好大壓力佢架麻，仲可能拆埋佢個貞節牌坊添......，臨老入花叢就唔係幾好啦...。
去到尾，其實最好即方法，係叫跳水松返黎，唔係做我個位，係掙錢呀...點解? 佢識炒丫麻.....?
關於我
- 糖糖網誌
- 呢個網誌，純係我亞糖糖記錄推GST半年的心路歷程，由於裡面涉及到好多政府的機密，所以，要按偉大的香港科幻小說始祖的教誨，將真名刪去並換上杜撰的名稱，更加要套一句俗話：如有雷同，實屬不幸。
仲有，你讀呢個網誌果陣，先要對中國歷史或香港時事有些少認識，同時，有追看報章政情版的八卦部份，才能掌握裡面內容的脈搏，尤其那些杜撰的名字。
至於睇唔明的讀者，如果是學生，你可以去信亞醫生部長，要求佢將呢個BLOG加入通識科會考的考試範圍，各大補習學校便會將文字翻譯至你們看得懂(包括ICQ及MSN半中不英)的版本，並有靚仔靚女MISSY亞SIR真人話劇演釋。至於其他看不明白的人士，抱歉，因為亞CE雖然去新加坡取經，但並沒有將大政府(同肉骨茶)取回香港，所以我唔會教你飲可樂會變肥仔......。根據表面上小政府的原則，我們會鼓勵你自力更生。
4 則留言:
阿虫哥歸位,你就無得玩啦,如今上海幫版將軍,你係上海幫派系,好自為之...........................
你都見啦，跳水松D操守有D問題架，唔係都唔會攪成咁啦，但炒野得呀，大廚黎架。佢搵到比我，一千萬年薪有咩所謂? 好過而家任獨裁又貴又唔抵丫麻
高官講錯野，要即時更正：
盧維思澄清早前聲明 (20:29)
2006年9月26日
廣署署長盧維思就早前有關引入商品及服務稅的聲明作出澄清，他表示香港的整體競爭力將保持強勁。
聲明表示，就傳媒今日查詢於本港研究引入商品及服務稅會否影響本港吸引外資的競爭力，投資推廣署署長盧維思回應如下：「有關計劃仍在諮詢階段中，值得一提的是，被視為與本港在吸引地區總部和地區辦事處方面的競爭對手新加坡及澳洲悉尼，均已開徵商品及服務稅；在吸引外資成立中國業務方面，香港的競爭對手北京和上海均已開徵商品稅。我認為在作出有關評估時，應參照上述情況。香港的眾多優勢向來備受外資推崇，加上香港政府亦致力持續改善營商環境，因此我們認為香港的整體競爭力將保持強勁。」
盧維思周二曾說，香港的低稅率和稅制簡單是吸引外資的原因，開徵商品及服務稅會削弱香港的吸引力，但他相信，影響輕微。
我炳完佢丫麻....佢真係死蠢到你唔信呀，請班老餅返黎?左我一億，仲敢走出黎講呢樣講果樣......佢真係未死過
發佈留言