好野，一了百了。好呀，以後咩都唔駛好咯！你知啦，我淨係管盤數之麻，咁而家垃圾會班垃圾....議員反對開 gst丫麻， 我都無錢用，仲有咩好做o者，果d每年的預算accounting，咪叫肥馬做左佢囉！
雖然，跟住落去其實我仲有d論壇，不過我真係唔駛比面......星期二日月報攪果個，我就一定係話無錢無得減稅！我叫肥馬星期一去假髮黨果個論壇，一定要串湯湯，都反對左咯，你地都已經有立場咯，仲攪埋d咩論壇做咩o者，學煲煲咁貓哭老鼠！
我下個月就開始見d人講budget，到時見所有人，除非佢地唔要求政府駛錢，否則，我一定叫佢地比左條橋我開新稅，如果唔係，錢從何來呀?
果班咁既低水平垃圾，係度講埋d亞媽係女人既野，我都知唔收稅最好，但錢從何來?
收入中立? 講下唔比咩，如果真係收入中立，我做咩要做咁多野喎。
不過，果日我叫肥馬係垃圾會聽足全場，佢話好彩放左兩粒air wave係對眼度，如果唔係，咁悶，一早就釣魚喎。
不過唔緊要，正如baby話齋，我仲有一個好強大既後盾，就係imf啦！佢地好支持我開稅！勾結外國勢力? 係又點丫? 最緊要做得到o者........約左誠哥打波.......梗係啦，收錢又唔得，駛錢又唔得，唔打波有咩好做喎?
關於我
- 糖糖網誌
- 呢個網誌，純係我亞糖糖記錄推GST半年的心路歷程，由於裡面涉及到好多政府的機密，所以，要按偉大的香港科幻小說始祖的教誨，將真名刪去並換上杜撰的名稱，更加要套一句俗話：如有雷同，實屬不幸。
仲有，你讀呢個網誌果陣，先要對中國歷史或香港時事有些少認識，同時，有追看報章政情版的八卦部份，才能掌握裡面內容的脈搏，尤其那些杜撰的名字。
至於睇唔明的讀者，如果是學生，你可以去信亞醫生部長，要求佢將呢個BLOG加入通識科會考的考試範圍，各大補習學校便會將文字翻譯至你們看得懂(包括ICQ及MSN半中不英)的版本，並有靚仔靚女MISSY亞SIR真人話劇演釋。至於其他看不明白的人士，抱歉，因為亞CE雖然去新加坡取經，但並沒有將大政府(同肉骨茶)取回香港，所以我唔會教你飲可樂會變肥仔......。根據表面上小政府的原則，我們會鼓勵你自力更生。
18 則留言:
香江咁多個Department 每個Department 洗小1~2億，十個Department 就有十幾二十億，洗乜講咁多。
仲有你老頂甘慷慨, 講幾句就派200幾憶, 錢從何來, 咪係我地d蟻民, 比你老頂去浪費, 甘搞法 閣下提出既 gst 收50%都唔夠喇, 真係有個太陽在沙灘上 law
不過d政黨一年叫我開十個法定團體，二十個委員會，三十個小組，做四十個project喎......減果一兩億有咩用?
你都知，煲煲點解要迫我收gst哩！如果唔收，你諗下佢未來果五年，邊有錢駛先得格? 不過你個提議都幾好，收50%，咁我可以唔駛收薪俸稅都得....！無咁煩！
如果收５０％GST,我會移民,最好搬返祖國,洗費平咁多,慳好多錢
嘩..n年冇上過黎了...勁忙呀...網主幾好嗎?
d$$緊係come from wealthy men啦=0="
唔come from佢地的話個income gap就會become more serious than ever...不過government都冇乜腦ga啦...=..=
一 個 社 會 ， 不 是 危 難 ， 就 是 安 逸 。 政 府 在 危 難 的 時 候 ， 叫 市 民 「 同 舟 共 濟 」 ； 到 了 安 逸 的 時 候 ， 又 叫 人 「 居 安 思 危 」 。 照 這 樣 的 邏 輯 ， 危 的 時 候 ， 固 然 不 可 以 減 稅 ， 安 的 時 候 ， 更 加 要 徵 收 新 稅 。
收50%你都唔會移民既！你係香港賺到錢，係大陸賺唔到，呢樣係我地計過晒架啦！況且，香港有煲煲係度，有好戲睇，大陸無喎
多謝你問候，網主唔係幾好丫，比果班唔識野既垃圾....議員band左我，之後點，我都未諗通，有橋，整幾條黎丫.....呢班人，攪攪陣，行歪會仲要加人工比佢地......同佢地d職員........都唔知點做野架!
你唔到中毒先得格，香江第一才子，係唔識經濟架！你以為quote 佢會嚇到我咩，呢d咁既人，得把口，我比盤數佢做，你就真係驚啦！
糖糖先生：
你好，我想問香港有幾多個法定團體，重有幾多個委員會同小組，這些團體及小組每年用左香港幾多錢。
可否Post條數出黎睇下。
Thankyou！
下產
下產先生：
多到數唔晒，不過，你係咪想cut晒佢丫? 咁，我cut左 E管局先啦，佢一年使我三百億，使得最多。cut左 E管局，我應該可以唔使收gst！第二個同第三個法定團體最想cut既，就係 VTC同女發局。
如果你地支持，我cut左呢三個，駛少好多。
cut埋UGC好唔好? 我慳多300億！咁以後你地d仔女讀大學，個個自負盈虧囉！到時我唔止唔使收稅，仲可以減稅添呀！cut,cut,cut，講咁易咩，比個位你做啦！你估話咁易咩！
糖糖同志:
提供一個建議給你參考,你將出爐既「預左算死草案」,一建議將的爛鬼議員津貼cut 晒佢,既然做議員又偉大、為民請命、正氣無比,相信都唔應該要政府向人民括來既民滋民膏拉!雖然唔慳得多,但勝在「消滅敵人糧草」,的飯民反對就一定既,但富貴、林善甚至早餐陣營一定會舉腳歡迎,趕走班垃圾嘩鬼,議事堂無晒噪音,直情係本年度最佳環保改善典範.
議員無「津貼」之餘,其實仲可以搞「倒貼」(應該講資助或贊助至岩),一年搞番幾次贊助活動,最高贊助額既議員獲大獎,可以有議事案先權作為「答謝」,等你班長短毛仲可以成日動議寸政府?
----------如果有咁既一日,記得通知我,我係邊個?陳娘乳是也!聯絡方法?係上海係人都識我,一定搵到!
陳娘乳：
你做乳娘唔識野我唔怪你。我唔可以cut佢地班垃圾d津貼，第一，垃圾會已經貧富懸殊，cut津貼唯一受害者，係果班跳海白鴿。今次雖然有baby撐我o者，但有時係班白鴿仔撐我架麻，佢地咁鬼窮，唔比津貼佢地，果果都唔做，到時我比林善?、鼓油黨同埋果個共產湯湯corner我果陣，我開期票都無地方開喎！
白鴿仔好多時敗事不足，成事卻有餘。呢d野，我無咁笨！你以為咁樣就跣到我? 你估咁易咩，你咁渣，一定係煲煲派你黎！
糖糖
FS,
衝破10,000,弓起弓起!
最叻買飯盒的小AO
最叻買飯盒的小AO:
多謝，但係我呢排夜晚返到屋企，總係上唔到blogger, login唔到,想寫多兩句都唔得......anyway, 不過講真又真係無咩好寫...點解，因為果班咁既局長,個個都係度恭喜我，因為唔駛再做呢壇野咁話喎！
你死左呀, 冇野寫既, 睇見你越唔開心, 我就垠越開心
我無心情寫呀......個班垃圾...將我既心血一舖清袋......我比班垃圾會議員隊?左之後，星期二重要去同工會女同志講gst，我心諗，你班人，仲玩我唔夠咩.....但你咁無同情心，咁都唔同情我......唉，你話做丫！
發佈留言