煲煲之英明神武

你尋日有無睇西報呀? 我睇完，真係笑到死咁濟.....星期一煲煲去簽個咩咩約章，同班鬼同空氣污染，西報果張相，係佢對住兩個鬼佬 講野，講到好鬼興奮咁......兩個鬼，個木廿土水 樣扮到好appreciate咁..........講多無謂，去片啦！

拿，你睇下上面果張，我地亞煲煲幾咁英明神武！當然啦，呢張，係官方相丫麻，唔影好D，點用黎選舉喎！

不過，睇下下面果張，就係西報相，係咪好似殖民地時代，港督去巡學校，由學生會會長戰戰兢兢介紹學校俾港督睇呢！



所以呢，人生得矮，就真係差咁d......！據說尋日呀，佢睇到呢張相，話以後唔比料西報呀，小器得佢丫！

唉，我真係要多謝亞娘，生得我手長腳長身又長，企出黎都精神d啦！返去真要鍚番亞娘一啖！

不過，醫生都係好高大威猛喎.......無著數添！