星期三, 1月 03, 2007

我仲欠四百億埋唔到單!

D報紙真係離譜,我根本從來無講過要減稅,但係D報紙已經講到似層層咁。

查實,唔係我保守,我都唔係咩「守財奴」,你話丫,我買咁多酒,根本唔係算死草..........我根本就唔夠錢用,因為煲煲都無開始拉票,我點知要減咩稅先得格?

我話事? 我都想丫!你諗下,煲煲就黎要開始拿提名,佢岩岩上完去見亞爺,點解落到黎都咁靜先得丫? 你唔知哩,佢日日呢埋係禮賓府,就係打電話......,打比果D誠誠呀,彤彤,湘湘呀咁。你知啦,做DEAL都要一手交錢,一手交貨啦,你要人挺你喎(唔係頂你.....),你估個個都好似東東咁有義氣,一句「我挺董」咩!果D運作,我都識啦:

煲煲:契爺,今日打左波未呀?
誠誠:呵呵呵,總理有咩口訊帶比我呀?叫我頭腦清醒呀?
煲煲:契爺,連你都玩我................係呢,個孫仔牙牙學語啦,識叫爺爺未呀? 我都想抱孫呀.....
誠誠:而家,呢D野,都好難求囉,你知啦,我都唔意在囉.....你好忙啦......
煲煲:係呀,唉,我就無亞董咁好彩啦,佢就無人同佢選,你知果個咁既大律師.........贏唔到,點可能..........但係煩住晒囉,錢都要駛多D啦。
誠誠:咁你又唔駛擔心.......
煲煲:唔係呀契爺,我攪得掂架啦.........
誠誠:明架啦。我叫慈善基金做張信託咪得囉......不過,我做埋今次架咋,見你做得野,我都唔志在囉,淨係想退休嘆下世界之麻........係呢,我果日,同D孫去完老鼠籠,順便去大嶼山,我都好多年無去啦.........丫,原來大嶼山同我後生果陣差唔多。你話如果起得五十層,望去南中國海....真係....死而無憾囉....
煲煲:..........................好.............好..主意......呀契.........契 爺...

你話呀,八百個,佢點都要打晒電話啩!平均一個要一億,都無左八百億啦!何況一幅地點止一億先得架!

拿,我今年,得四百億,咁我要嘔番八百億出黎,仲爭四百億,我邊度搵四百億番黎? 所以我要開GST,諗住兩年可以冚番條數..............而家睇個勢,要加稅添呀!

5 則留言:

匿名 說...

果然有口齒 bor, 話新一年繼續寫, 你都打算唔撈家喇, 甘咪比侏儒呔做埋你份預算 law, 到事有咩東瓜豆腐, 你都拍拍屁股走左人, 最多都係比人講你幾句之嗎.

不如政府自己起個世界光纖中心, 又可洗晒d錢, 又岩晒侏儒呔甘好大喜功既性格, 真係一舉幾得, 得咗!

龍劍飛 上

匿名 說...

我好過你,我地個Department重有4000萬未洗哂,個老頂重想種草洗哂。

糖糖網誌 說...

龍劍飛君:

我真係打算唔撈,不過係唔撈呢個位!我已經開始prepare緊做cs啦!係,亞煲煲想羊羊幫佢霸住個位,然後過幾年等鬍鬚仔上位,但係,你話丫,羊羊同燊燊行得咁埋,你估亞爺想唔想佢做cs丫? 亞爺連上面果班官,都想趙,但係只不過攪唔到咁解!佢梗係唔想香港都係咁!你話啦,政治耳語已經話,爆缸仁仁已經要係垃圾會問呢樣野啦!你估佢唔尷尬架!

所以,哈,我做硬架啦!你唔鍾意呀,都無辦法架啦!

糖糖

糖糖網誌 說...

種草?! 你係漁農署做? 等我下年cut你個department D budget!cut淨4000萬!種草丫拿!

匿名 說...

你唔應該 cut 佢 budget,仲應該加佢budget,,理由:
1. 省港杯我地作客輸0:1 但主場可以4:2因為我地個場d 草靚,為本地足球水平提高,應該每個禮拜都換草身一次,又可以増加就業率
2. d環保人士成日嘈生晒,種多d 草,咪可以應酬下佢地
3. 種草好亞,打golf又可以多d 場
4. 唔知你花園d草駛唔駛種過呢
5. 因為搞民氐,駛晒d 錢,可以大條道理加稅
6. 你加得一個小小既department,唔係唔加埋比自己牙?